Plazaola Natur Bidea

"El Pais" egunkariaren "El viajero" ataletik txirrindulaz gozatzeko proposatzen dizkiguten 8 aukeren artean Plazaolako Natur Bidea aurkitzen da.

Ikusi, ikusi!

http://elviajero.elpais.com/elviajero/2012/09/27/actualidad/1348742499_781263.html

MENDUKILO-ko Koba

Mendiko ikuilutik, kobazulo turistiko, lur azpiko laborategi eta ingurumen eskolarako bilakaera.

Mendukilon ezezagun den seigarren kontinenterako bidaia hasiko dugu. Mendukilo Aralarko lur azpi karstikoaren erakusleiho bat da, mendiaren bihotza ezagutzera garamatzan ibilbidea. Mendukilo istorio harrigarrienak dituen liburu irekia da. Begiratu, sentitu, gozatu eta errespeta lurrazpiko mundu berezia

Leizea zaldain flotakor, bozgorailu eta argiztapen dinamikoz hornitua dago eta familia osoarentzat egokitutako ibilbide gidatuak eskaintzen dira.

Espeleoabentura aukeran, talde txikientzat eta aldez aurretik deituta.

Egun bereziak:

• Martxoak 4: Kobazuloen eguna.

• Maiatzak 6: Geoleguna.

• Ekainak 3: Ingurumenaren eguna.

Prezioak

• Helduak: 8€

• Haurrak (4-10): 5€

• Jubilatuak: 5€

• 4 urte baino gutxiagoko haurrak: /

• Familia ugaria (3 haur): 25€

Informazio gehiago eta erreserbak: 948 396 095 / 608 62 36 04 – mendukilo@mendukilo.org

www.mendukilo.com



(Fotos/Argazkiak: Eneko Agirre

Espeleoaventura)

KIROLMANK: PLAZAOLAKO MARATOI ERDIAREN ARGAZKIAK FOTOS DE LA MEDIA MARATÓN

KIROLMANK: PLAZAOLAKO MARATOI ERDIAREN ARGAZKIAK FOTOS DE LA ...: https://picasaweb.google.com/105001994011362175889/PlazaolakoMaratoiErdiaMediaMaratonPlazaola2012 PLAZAOLAKO MARATOI ERDIAREN ARG...

IX. Mendi Bizikleta Martxa eta VI. Maratoi Erdiko argazkiak

Irailak 16ean ospatutako IX. Mendi Bizikleta Martxa eta VI. Maratoi Erdia Plazaolatik barnako argazki guztiak dauzkazu hemen!

Eguneko argazki gehiago dauzkazu? Bidalizkiguzu info@plazaola.org  helbidera eta blogean, web orrian, etab. argitaratuko ditugu!  

Milesker!

      

Irailak 16ko zozketa

IX. Mendi Bizikleta Martxa eta VI. Maratoi Erdian parte hartu al zenuen? Zozketetara geratu ezin izan bazinen hemen dauzkazu zozketen dortsal zenbaki irabazleak!

Kirolzale agurgarria,

Oraindik libre daude Lekunberriko eskoletatik Leitzara goizeko 10.30etan ateratzen den autobuseko zenbait eserleku Leitzako geltokitik Lekunberrirako geltokira doan Mendi bizikleta martxarako.

Beraz, autobus zerbitzu honetaz gozatu nahi duzuenek Lekunberriko Eskoletara jo beharko duzue goizeko 10.00etan.

Eserlekuak iriste ordenean okupatzen joango dira amaitu arte, hortaz, behin amaituta ez da lekurik bermatzen.

Gaur azken eguna

Gaur VI. Maratoi Erdirako izen emateak amaitzen dira (kasu honetan egunean bertan EZINEZKOA da apuntatzea). IX. Mendi bizikleta martxan AURRE izena emateko ere epea gaur bukatzen da  (kasu honetan, posiblea da egunean bertan izena ematea). Epea 15:00etan amaitzen da.

Ez zaitez lekurik gabe geratu! Eman hemen zure izena!

* Mendi Bizikleta Martxarako aurre izen emateak

* Maratoi Erdirako izen emateak

2012ko Hegaztien Munduko eguna

2012ko Hegaztien Munduko Eguna

Iraila osoan zehar 2012ko Hegaztien Munduko eguna ospatzeko ekintza asko egongo dira.

Nafarroa osoko herri desberdinetan izanen dira ekintza horiek, Etxalar, Bertitz-Elizondo, Auritz - Burguete, Lumbier eta Figarol.

Antolatutako ekintza horien barruan txangoak, hitzaldiak, habi kutxen eraikuntzarako tailerrak, hegaztien behaketa eta askoz gauza gehiago.

Programa osoa hemen aurkituko duzu.

Animatu zaitez eta parte hartu!

IX. Mendi Bizikleta martxa eta VI. Maratoi Erdia Plazaolatik barna

Ez zaitez zure plazarik gabe geratu!

Irailak 16ean ospatuko den IX. Mendi Bizikleta martxa eta VI. Maratoi Erdia Plazaolatik barnarako aurre izen emateak irailak 13ra arte irekiak egonen dira.
Probetarako beharrezkoa den informazio guztia (aurreizen emateak, perfilak, irteera puntuak, prezioak, zozketak, etab.) www.plazaolakirolak.org web orrian aurkituko duzue.

BERRIA: Aurten tarifa bereziko eskaintzak prestatu ditugu:
* Ostatu (%15eko deskontua)
* Kirolzaleentzako menuak (prezio bereziekin)

Martxa eta Maratoiaren asteburua (Irailak 14-16) edo aurreko gaua pasatzera etorri nahi duzuenentzat edo proben ondoren indarra berreskuratzeko kirolarientzako menu berezi bat dastatu nahi duzuenentzat.

Aprobetxatu eta asteburu osorako plana egin ezazu!

Egin klik lotura honetan deskontua eta baldintza guztiak ikusteko!!

Leitza: TALO Eguna

Atzo irailak 9an ohitura zaporea duen jaia ospatu zen Leitzan; 1000 bat pertsona gerturatu ziren gure herriko festa-gastronomian hain ezaguna den produktu honetaz gozatzera.

Atzo, Irailak 9an, Taloa izan zen protagonista Leitzan, urtetik urtera arrakastatsuagoa den “Talo egunean”.

1000 bat pertsona gerturatu ziren atzo Leitzako Plazara, Plazaolako Partzuergo Turistikoak Leitzako Udaletxearen lankidetzaz eta Nafarroako Gobernuko Turismo eta Kultur departamentuaren laguntzaz antolatzen duen Talo Egunera. Eguraldia lagun, bertaratutakoek gastronomia, ohitura eta Herri Kiroletaz gozatu ahal izan zuten goizean zehar.

Gustu guztietarako programa

Aurten ere, tradizioarekin jarraitzeko, ekintza gozeko 10:00etan hasi zen Saralegi eta Villabona talo-egileekin, horiek izan baitziren merkatua ireki zutenak.

Ondoren mota guztietako ekintzak ospatu ziren:  artoa, ura eta gatzarekin egindako torta oinarri duten plateren erakusketa zonaldeko jatetxe eta tabernen eskutik (aurten Txoko, Elosta, Musunzar, Peritza eta Landaberri  izan ziren euren talo bereziekin harritu gintuztenak) edo zonaldeko artisauen produktu ugariko postuak: zilarra, garrapinatuak, baratxuriak, zura, esaterako.

Herri kirolak

Ohiturak berrezkuratzeko denbora ere egonen zen taloa egiteko eta baserri tresneriaren erakusketarekin eta Herri Kirolekin. Izan ere, atzo Leitzako Plazan goizeko 12:00etan Gizonezkoen Euskal Herriko Txinga Txapelketa ospatu zen Kerman Perez Heredia, Oscar Pere Estefania, Ousamane Drame, Fran Etxeberria, Adrian Berruezo eta Juan Jose Agirregabiriarekin. Azkeneko hau izan zen irabazle 22 plaza eta 616 metrorekin. Bigarrena, Ousame Arame senegaldarra izan zen 15 plaza eta 420 metrorekin; ondoren Óscar Pérez, 14 plaza eta 415,5 metrorekin. Podiuma Fran Etxeberriak (277,60 metro), Kerman Pérez de Herediak (208 metro) eta Adrián Bermejok (192.9metro) itxi zuten.

Txinga Txapelketaz gain, Aizkora erakustaldi bat ere egon zen Arkaitz eta Julen Olano, Asier Pellejero, Ruben Telletxea eta Ruben eta Eneko Saralegiren eskutik.

Zonaldeko Talo txapelketa

Bisitariek era aktiboan parte hartzeko ekintzak ere izan ziren: txikienentzako taloa egiten ikasteko tailerra, gurdi ibilaldiak edo baserriko animalien erakusketa adibidez.

Guzti horretaz gain, 100 euroko, 50 euroko eta 25 euroko sariak irabazteko aukera ere izan zen Eskualdeko Talo Lehiaketan. Horretan Juan Mari Zabaleta, Soro bezala ezagutua den Leitzarra, irabazle izan zen. Bigarren eta hirugarren postuak Jose Antonio Urkiola eta Miguel Mari Elosegirentzat izan ziren.

Gauzak horrela, atzo Leitzan mendeetan zehar gure baserrietan oinarrizko elikagaia izan den produktu honen promozio eta berreskurapena sustatu zen, ohiturei jarraituz, egun borobila pasatzeko aukera izan genuen.

Talo eguna “Udazkeneko Loreak” programaren antzezleku

Aurten, guztion harridurarako, “Orio Produkzioak” Mikel Goñi pilotariarekin batera Leitzaraino gerturatu ziren “Udazkeneko Loreak” programa grabatzera. Perretxiko eta onddoen mundua modu umoretsu eta entretenigarri baten ikuspegitik hartuta kontatzen digun programa dugu hau. Saio bakoitzean koadrila desberdin batekin joaten dira basora perretxikotara, ondoren horiekin plater desberdinak egiteko. Kasu honetan Mikel Goñi eta talo eguna aukeratu zuten eszenatoki.

MENDUKILO

Aralarko erraiak denon eskura - Ingurumen Heziketa

Kobazuloetara gauzatzen den bisita oro experientzia bat da. Esperientzia bakoitza, ikasketa bihur daiteke. Kobazuloak, hizkuntza unibertsalean idatzitako makina bat istoria kontatzeke dituzten liburu irekiak dira. Erraietara bidaiatzen dugunez, aldaketak sorraraz ditzakete bisitariengan. Premisa horiei jarraiki, 2012 - 2013 ikasturterako Mendukiloko kobazuloak ingurumen heziketako 3 programa eskaintzen ditu:

* Ikus entzunezkoa eta mailara egokitutako kobako bisita gidatua (1h 20´).

* IH 1 Programa (2h30´). Bisita eta material didaktikoen gauzapena.

* IH 2 Programa (4h). Aitzarratetako iturburura eta kobara ibilbide gidatuak.

(Programa hauek ikastetxearen beharren arabera moldatu daitezke)

Klikatu egutegian haundian ikusteko

TALO eguna: Herri kirolak

Gizonezkoen Euskal Herriko Txinga Txapelketa

Datorren irailak 9an, Leitza, Talo eguna ospatuko dugu, eta urtero bezala, egunerako prestatutako programan herri kirolak aurkituko dituzue. Hemen daukazue informazio guztia.

Egin klik karteletan haundiagoak ikusteko

Mendi bizikleta Martxa eta Maratoi Erdia

Mendi Txirrindulaz IX. Martxa eta VI. Maratoi Erdia Plazaolatik barna

Datorren irailak 16ean Mendi Txirrindulaz IX. Martxa eta VI. Maratoi Erdia Plazaolatik barna ospatuko dira, eta zuetako askok aurre-izen emateengatik galdetu diguzue egun hauetan.
Bada, aurre izena eman dezakezue jada gure Web orrian: www.plazaolakirolak.org.

Lotura horretan programa, ibilbideen mapak, irteera puntuak, erreglamenduak, perfilak…. Aurki ditzakezue, bai eta aurre izena emateko fitxa ere.

Ez zaitez plazarik gabe gelditu!

TALO Eguna

Talo eguna irailak 9a

Leitzako taloegileak, artisauen merkatua, taloa egiteko eta baserri trensneriaren erakusketa, baserriko animalien erakusketa, haurrentzat gurdi ibilaldiak, eskualdeko talo lehiaketa, taloarekin egindako plater berezien erakusketa zonaldeko jatetxe eta tabernen eskutik, taloa egiteko tailerra txikientzako, gizonezkoen Euskal Herriko Txinga Txapelketa, Aizkora erakustaldia, musika, giro ezinhobea.... guzti hau eta askoz gehiago irailak 9an, goizeko 10:00etatik aurrera Leitzako Plazan Leitzako Talo egunean

Eta zuk, galduko duzu?