Mundumira 2012

Plazaola Mundumiran 

Maiatzak 18, 19 eta 20ean Plazaola Partzuergo Turistikoa Eskoriatzan izan zen bertan ospatzen zen Mundumira ferian. Munduko kulturen jaiaren zortzigarren edizioa honetan, Plazaolak Stand bat jarri zuen  eta zonaldeko informazioa eta merchandaising-eko salmentarako produktuak eraman zituen.

 

Eguraldiak ez zuen gehiegi lagundu eta horregatik antolatzaileek diotenez beste urte batzuetan baino askoz jende gutxiago gerturatu zen Mundumirara (8.000 bat pertsona gerturatu zirela kalkulatu zuten). Hala ere, Plazaolako Stand-era gerturatu zen jende kopurua haundia izan zen. Bertaratutako asko gelditu ziren zonaldeko informazioari buruz galdezka (natur bidea, ibilbideak eta ekintzei buruzko informazioa izan zen gehien eskatu ziren datuak, hurrenez hurren).

Pertsona askok komentatu zutenez, lehen pertsonan edo komunikabideei esker ezagutzen zuten jada Plazaolako Natur Bidea. Beste askok ere Natur Bidera epe motz / ertainera gerturatzeko intentzioa erakutsi zuten.